Euskal Saskibaloi Federazioak, Zarauzko Udalak eta ZAST Zarauzko Saskibaloi Taldeak lagunarteko hitzordua antolatu dute aurten ere: 20 urtez azpiko emakumezkoen euskal selekzioak Eslovakiaren aurkako bi partida jokatuko dituzte. Lehenengoa Zarautzen izango da, ostegun honetan, 19:30ean, Aritzbatalde kiroldegian, eta bigarrena Beasainen (Gipuzkoa) jokatuko dute, ostiralean.