Euskadiko XLI. Beteranoan Xake Txapelketa jokatu zuten asteburuan Zarautzen. Larunbat arratsaldean hasi ziren partidak eta igande iluntzean amaitu ziren. Hiru zarauztarrek hartu zuten parte bertan: Daniela Veltek, Martin Iribarrek eta Xabier Arrillagak.
Emozioz beteriko partidak ikusteko aukera izan zen Zarauzko Kirol Elkartearen sedean azken unera arte, azken partida hasi baina lehen sailkapeneko lehen lau jokalariak hiruna punturekin berdinduta baitzeuden. Azkenean, Erlantz Miguelez arabarra izan zen txapelketako garailea, eta Daniela Velte zarauztarra emakumezko onena izan zen.