Emakumeok lehen lerroan, kirolean ere bai film laburraren emanaldia eskainiko dute datorren ostegunean, 18:30etik aurrera Zarauzko Modelo aretoan. Emakumeek kirolaren munduan izan duten eta orain duten lekua izango da laburmetraiaren ildoa.
Emanaldiaren ondoren, solasaldia egingo dute Nahia Sillero aktore eta idazlearen gidaritzapean. Solasaldian Malen Monasterio halterofiloak, Karmele Makazaga eskubaloi jokalari ohiak eta Maddi Sukuntza korrikalariak hartuko dute parte. Sarrera doakoa izango da, Modelo aretoaren edukiera bete arte.