Ekaineko III. azoka ospatuko dute asteburuan, eta artez, sormenez eta artisautzaz beteko da malekoia, Nahia Elkartearen eskutik. Azoka Galtxagorri Elkartearen ondoan egongo da kokatuta, 10:30etatik 21:00etara.
Ahalik eta artista eta artisau gehienei aukera eman nahian, aurtengo edizioan bi postu gehiago egongo dira. Guztira 22 izango dira, eta bertara hurbiltzen diren herritarrek eta bisitariek ehungintza, bitxigintza, ukendu naturalak eta ilustrazioak aurkituko dituzte postutxoetan.
Inguru zoragarriaz eta giro paregabeaz gozatzeko aukera izango da, eta bertako sortzaileak babesteko aukera, noski. Halaber, azokan egiten diren erosketen artean, Nahia Elkarteak bi pertsonentzako Kirkilla Jatetxeko degustazio menua zozketatuko du.