Pagoeta Mendizale Elkarteak eta Mendi Film jaialdiak antolatuta, Mendi Tour jaialdin ibiltariaren bigarren emanaldiaz gozatzeko parada izango da gaur arratsaldean. Kasu honetan, Nagore Ezeizaren Izarren zaunka, Pierre Cadoten Le Moulin des Artistes, eta Mathieu Rivoireren K2 Mon Amour film dokumentalak eskainiko dituzte.
Bilboko Mendi Film mendiko zinemaren jaialdian hainbat sari jasotako ikus-entzunezkoak dira honakoak, eta jatorrizko bertsioetan eskainiko dituzte, Mendi Filmek sortutako azpitituluekin lagunduta. Saioa 19:00etan hasiko da, eta sarrerak 5 euro balio du.