Alboan Fundazioak antolatuta, Bizitzaren zaindariak topaketa izango da maiatzaren 29an, ostiralez. Bertan, zehazki, Kolonbiako lurralde desberdinetako hiru emakumek beraien erauzketa-proiektuen eta eskubide kolektiboen urraketen aurkako borrokak partekatuko dituzte.
Antolatzaileen esanetan, "Bogotatik Guajirara, antolaketa komunitarioko, erresistentzia afrokanpesinoko eta kulturartekotasuneko esperientziak" hurbilduko dituzte, "ardatz komun" batekin: uraren, lurraldearen eta bizitzaren defentsa. Pagoeta Mendizale Elkartearen aretoan izango da ostiraleko topaketa, 19:00etatik aurrera, eta doakoa izango da sarrera.