Photomuseumek sustatutako eta Zarauzko Udalak babestutako Gela programaren barruan, Ekialde Urruneko zinemari buruzko zikloari jarraipena emango diote gaur, hirugarren saioarekin. Zehazki, Txinako landa gizartearen ingurukoa izango da saioa, eta, besteak beste, tradizioaren, familiaren eta gizarte aldaketen arteko harremanak aztertuko dituzte.
Antolatzaileek jakitera eman dutenez, Txinako landa eremuko emakumearen rola, ohiturak eta botere harremanak izango dira saioaren ardatz nagusiak. Proiekzioaren ondoren, solasaldia ere egongo dute, publikoaren parte hartzea sustatuz.