Beste hilketa matxista bat izan da duela egun gutxi Euskal Herrian, Arguedasen (Nafarroa) zehazki. Emakume baten gorpua topatu zuten astelehenean bere senitartekoek, eta guardia zibilek haren senarra atxilotu zuten, emakumea hiltzea leporatuta. Euskal Herriko Emakumeen Mundu Martxak jazotakoa salatzeko elkarretaratzea deitu du biharko: 19:00etan izango da, Lege Zaharren Enparantzan.
44 urte zituen emakumeak, eta atxilotutako gizonak 43 urte ditu. Hain justu ere, Euskal Herrian izandako laugarren hilketa matxista kasua da Arguedaskoa.