Porrotarekin abiatu ditu Zarautzek Gipuzkoako Herriarteko Pilota Txapelketako final zortzirenak. Ostiralean jokatu zuten gomazko paletako jardunaldia, Azkoitiaren aurka, eta 1-2 galdu zuen Zarauzko taldeak.
Lehen partidan, kantxa osoan, 7-20 irabazi zuen Azkoitiko Epeldek Zarauzko Etxaberen aurka. Bigarren partida binakakoa izan zen: Azkoitiko Azpirozek eta Larrañagak Zarauzko Landaren eta Urangaren aurka neurtu zituzten indarrak. Etxekoak nagusitu ziren neurketa horretan, 20-16ko markagailuarekin. Azken partida zazpi koadroren barruan jokatu zuten, eta Azkoitiko Aizpuruk Zarauzko Segurola hartu zuen mendean, 5 eta 20.
Zarautzek final zortzirenetako lehen jardunaldia galdu badu ere, oraindik itzulerako partida geratzen zaio markagailua iraultzeko. Igande honetan, maiatzaren 24an, jokatuko dute jardunaldi hori, Azkoitian.