Bihar, ostiralez, 'Munstrokast deluxe' jolas-liburuaren aurkezpena izango da Nerea Loiolaren eta Orhi Epelderen eskutik Garoa liburu-dendan, 18:30ean hasita.
Eskapu txiki bildumako hirugarren liburu hau "desberdina" omen da, eta "zu zara protagonista". Loiolak erronka bati aurre egitera bultzatu nahi ditu irakurleak, abentura misteriotsu eta dibertigarri bat argitzeko erabakiak hartuz eta enigmak ebatziz. Agian bideojokorik zirraragarrienean jolastuko dira; edo agian ez, agian ez dira azken pantailara iritsiko, baina edozein unetan atzera egiteko eta beraien istorioa aldatzeko aukera izango dute.