Udaltzaingoak mugikortasun murriztuko aparkalekuen bueltan egindako azken kontrol kanpainen datuak eskaini ditu. Horien arabera, urtea hasi zenetik 25 kontrol burutu dituzte eta, horietan, guztira, 242 ibilgailu kontrolatu. Ikuskaketa horietan 15 salaketa jarri dituzte txartelik gabe edo iraungitako txartelarekin aparkatzeagatik, eta beste 11 ibilgailuen IAT-a edo asegurua eguneratuta ez edukitzeagatik.
Aipatutako kanpainak Zarauzko Udaltzaingoak urtean zehar "trafikoaren egoera ona sustatzeko" egiten dituzten egistamoen artean koka daitezke. Horien helburua da "mugikortasun murriztuko pertsonentzat erreserbaturiko aparkalekuen erabilera egokia" bermatzea.