Sanpedrotarra Arraun Elkarteak antolatuta, Gipuzkoako Batel Ligako azken jardunaldia jokatuko dute gaur, Pasaian (Gipuzkoa), 15:30etik aurrera, eta Zarauzko Arraun Elkarteak zazpi ontzi aurkeztuko ditu probara. Hitzordu garrantzitsua izango da, alde batetik, mailaz maila, ligako banderak banatuko dituztelako, eta bestetik, bihar jokatuko den Gipuzkoako Batel Txapelketara sailkatzeko proba baliogarria izango delako.
Igandeko hitzordua goizeko 10:30ean hasiko da, eta hura ere Pasaian jokatuko dute. Bertan parte hartu ahal izango dute gaurko estropadan kategoria bakoitzean lehenengo lau postuetan geratu diren ontziek. Horiek izango dute txapelketako banderagatik lehia egiteko aukera.