Apirilaren 4an jokatuko dituzte Aritzbatalde kiroldegian Buruz Buruko Txapelketako final zortzirenetako partidak. Zehazki, lehen eta bigarren mailetako partidak izango dira Zarautzen, baina oraindik ez daude erabakita horiek jokatuko dituzten pilotari guztiak. Momentuz, debutatu berri duen Zubizarreta IV.a dago baieztatuta bigarren mailako partidarako; besteak, berriz, txapelketa aurrera joan ahala zehaztuko dituzte.
Horretaz gain, beste partida bat ere izango da apirilaren 4an, bikoteka jokatuko dutena. Hain zuzen ere, Artola eta Landak Larrazabalen eta Imazen aurka jokatuko dute. 18:00etan hasiko dira, eta hemen eros daitezke dagoeneko sarrerak.