Amenabar Zarautzek Uharteren aurka jokatuko du bihar arratsaldean, etxetik kanpo, Ugarrandia kiroldegian, eta denboraldi osoan daraman dinamika irabazleari eutsi nahiko dio. Edonola ere, urteko lehen helburua aurreko jardunaldian lortu zuen matematikoki, Eibarri irabazita; 32-27ko emaitzarekin mendean hartu zuten Mikel Agirrezabalagaren mutilek Debabarrenako taldea. Ondorioz, Zilarrezko Mailara igotzeko faserako txartela ziurtatu du.
Liga amaitzeko bost jardunaldi falta dira, asteburu honetakoa barne, eta behin txapelketa bukatzen denean zehaztuko dute igoera fasea non eta noren aurka jokatuko duen Amenabar Zarautzen. Argi dagoen bakarra da maiatzaren 8tik 10erako asteburuan jokatuko dela.