Apirilaren 12an 19:00etan, Tolosako (Frantzia) Théâtre de l’Opéra National du Capitolek, Parisko Théâtre national de l’Opéra-Comiquek eta Bartzelonako Liceuk ekoiztutako Sémiramis/Don Juan ballet ikuskizuna izango da Donostiako Kursaalen, eta emanaldirako joan-etorria egiteko autobusa antolatu du Zarauzko Udalak.
Bidaia doakoa izango da, baina udalak antolatutako autobusean joan-etorria egin nahi duten herritarrek izena eman beharko dute martxoaren 30a baino lehen; 943 005 120 telefonora deituta edo kultura@zarautz.eus helbidera idatzita. Autobusa 18:00etan abiatuko da Sanz Enea aurreko autobus geltokitik.
Ballet emanaldirako sarrerak, berriz, Kursaalaren webgunean eros daitezke.