Korrika Kulturalaren barruan, emanaldia eskaini zuten atzo arratsaldean Getariako Gure Txeru eta Zarauzko Jalgi dantza taldeek. Kanpoan eguraldi kazkarra bazen ere, Aritzbatalde barrukaldean giro ona izan zen, asko izan baitziren dantza hitzordura gerturatu ziren ikusleak ere.
Bi taldeek elkarlanean eskainitako saioan, guztira, 14 dantza eskaini zituzten. Jalgiren kasuan, gazteen eta helduen taldeek parte hartu zuten; Getariatik, berriz, Gure Txeruko helduen taldeak egin zuen dantza. Korrika Kulturalaren Zarauzko egitarauko azken hitzordua izan zen atzokoa.