Atzo arratsaldean Zarauzko Udaleko Parekidetasun sailak Martxoaren 8aren bueltan antolatutako azken jarduera egin zuten Langako plazan. Iaz bezala, bertako lorategiko zuhaitz bateko enborra apaindu zuten, "oroimenaren eta konpromisoaren sinbolo iraunkor modura".
Parte hartu zutenen artean, Ludotxo ludotekako haurrak aritu ziren, begiraleen laguntzarekin, zuhaitza margotzen, eta, besteak beste, tximeletak bezalako irudiak marrazten.