Photomuseumek sustatutako eta Zarauzko Udalak babestutako Gela programaren barruan, genero-rolek XX. mendetik gaur egun arte zineman izan duten bilakaerari buruz hitz egingo dute. 18:00etan hasiko da, eta doan sartu ahal izango da solasaldia entzutera. Pasa den astean abiatu zuten ziklo hau, eta gaurkoa bigarren saioa izango da.
Helburu profesionalaren eta mendekotasun afektiboaren arteko gatazka, gizarte garaikideetako independentzia indibiduala eta horien ondorioak, emakume gazteek arau murriztaileen aurrean duten erresistentzia, eta, azkenik, genero-estereotipoen berrikuspen kritiko eta satirikoa aztertzen dituzten hainbat begirada aztertuko dituzte. Autonomia absolutua eta horren ondorio sozialak aztertuko dituzte, bakardadea eta familia-harremanen eraldaketa barne.