Hego Koreako Park Chan-wook zinegilearen No hay otra opción komedia dramatikoa eskainiko dute gaur arratsaldean Modelon, Saio Originalaren barruan. 19:30ean hasita, jatorrizko hizkuntzan emango dute filma azpitituluekin.
Hainbat sari eskuratutako ikus-entzunezkoa da gaur eskainiko dutena. Zehazki, Hego Koreasko Blue Dragon Film Awards jaialdian 6 sari eskuratu zituen 12 hautagaitzetatik, eta Sitgeseko jaialdian, berriz, Zuzendaritza Onenaren Saria erdietsi zuen. Aipamen ugari eskuratu dituen filmeko aktoreen artean daude Lee Byung-hun, Son Ye-jin, Lee Sung-min eta Yeom Hye-ran.
Aipatutako aktoreek Mansu izeneko gizon baten inguruko istoria kontatzen dute, bat-batean lanetik kaleratzen dutena 25 urte lan egin ostean. Donald Westlake idazlearen The Ax liburuan oinarritutako filma da, eta bertan, protagonistak zin egiten dio familiari lanpostu bat topatuko duela urtebete baino lehenago. Denda batean aurkituko du lana, baina aurretik zuen bizitza mailarekin jarraitzeko helburuarekin, aurreko lantegira itzuliko da. Bertan ez diote lanik emango, eta orduan, plan bat diseinatuko du: lanposturik eskaintzen ez badiote, berak sortuko du bat horrela gertatu dadin.