Txirrindulari gaztetxoek hitzordua dute bihar Zarautzen, eta udalak jakitera eman duenez, Zarauztarra Txirrindulari Elkarteak antolatutako probak eragina izango du errepidean. Zarauztarra Saria jokatuko dute haur, kimu eta benjamin mailako kirolariek, eta, ondorioz, Zuberoa, Gurmendi eta Herrikosoro kaleak itxita egongo dira zenbait orduz autoentzat.
Zehazki, 16:30ean abiatuko dute proba txirrindulariek, eta errepide mozketa ordu erdi lehenago egingo dute; hau da, 16:00etan itxiko dituzte errepideak, 19:00etara arte. Lasterketa Zuberoa, Gurmendi, Herrikosoro eta Hegoalde kaleetan barrena izango da.