Zarautz-Palestina herri ekimenak deituta, hainbat herritarrek Bakearen soinuaren mapa izeneko mobilizazio ibiltarian hartu dute parte gaur eguerdian, Palestinako herria gogoratzeko nahiz babesteko eta, batik bat, "ez ahazteko" bertako sarraskia.
Hori dela eta, elkarretaratze solidarioa egin dute herriko hainbat tokitan; Lege Zaharren Enparantzan hasi dira, 12:00etan, eta jarraian, besteak beste, Merkatu plazan, Frantziskotarren elizaren aurrealdean eta malekoian egin dute geldialdia. Aipatu toki bakoitzean Palestinako lurralde okupatuaren egungo egoeraren errealitatea birsortu dute, sarraskiaren inguruko kontaketa xehetua eginez eta testingantzak jarriz bozgorailutik.