Atzoko eguraldi goibelaren ondoren, giro ezin hobea egin du gaur goizean zehar kalejiran jarduteko, eta harrera aparta egin diete etxeko txikienek erraldoi zein buruhandiei.
12:00etan hasi dira erraldoiak herriko kaleetan zehar murgiltzen, eta herritarrek segituan hartu diete erritmoa. Aldi berean, gainera, Ustekabe txarangak musikaz blaitu du ingurua.
Etxeko txikienek oraindik ere mozorroak soinean zeramatzaten, eta, gehienak, buruhandiengandik ihesi ibili dira ikaragarrizko korrika saioak botaz.