Gaurtik hasita, azaroaren erdialdean Donostiako Cimasub Itsaspeko Zinemaren Nazioarteko Zikloan aurkeztutako film labur eta dokumental esanguratsuenak eskainiko dituzte Modelo aretoan. Gaurkoaz gain, beste bi saioak hilaren 18an eta 25ean izango dira, eta denek doako sarrera izango dute.
Hain zuzen ere, gaur arratsaldean Borja Baderren Komodo sirens, Suhas Shyamsundarren Of Water and Wonder, Leandro Blancoren Una vida de prez, Enrique Talledoren SOCAVA Vida sumergida, Alexander Benediken The mother of diamonds. Kimberlite, Clayton Connen Seascape Underwater Cinematic Collage eta Nat Savageren La Costa Quebrada: Naturaleza entre las mareas lanak eskainiko dituzte. Mundu mailako sortzaileek ekoiztutako lanak dira, eta grabaketa lekuak ere nazioartean zehar daude banatuta, hala nola Mexiko, Groelandia, Komodo edota Filipinak. 19:00etan hasiko dira proiekzioak.