Zarauzko Saltaka mendi korrika elkarteak irteera antolatu du Oriora datorren astebururako. Hain zuzen ere, Talai Mendi Trail lasterketako ibilbidea egingo dute larunbat goizean. Parte hartzaileek, ordea, bi ibilbide izango dituzte aukeran: alde batetik, Sltk luzea –14 kilometroko bidea–, eta bestetik, Sltk txiki –9 kilometroko bidea–.
Gainera, inauteriei jarraipena emateko asmoz, antolatzaileek mozorrotuta etortzera animatu dituzte herritarrak.
Hala, goizeko 08:08ko trena hartuko dute Zarautzen, eta Orioko Herri Ikastolan elkartuko dira 08:30ean, ondoren Kukuarri mendirantz joateko. Lasterketaren ondoren, Talai Mendi Traileko bi dortsal zozketatuko dituzte korrikalarien artean.