Urtarrilaren 25ean ziren egitekoak Sagardo Eguna, baina eguraldi txarragatik bertan behera utzi zuen Zurekin Zarauzko ostalarien elkarteak. Gaur jakinarazi dutenez, ordea, ospakizuna martxoaren 29an egingo dute.
Antolatzaileek gehitu dute ekitaldiak bere helburuari eutsiko diola martxoan ere, zehazki, bertako produktuari, gastronomiari eta kulturari balioa ematea, herritar guztiei irekia den formatu hurbil eta herrikoian, "denen artean gozatzeko".