Igande honetan, hilak 8, Zarauztarra Txirrindulari Kirol Elkartearen talde aurkezpena egingo dute bertako kideek. Eguraldi onarekin Lege Zaharren Enparantzan egingo dute ekitaldia, baina euria eginez gero, kiroldegiko frontoira lekualdatuko dute hitzordua.
11:00etan elkartuko dira, eta handik ordu erdira, 11:30ean, joan-etorria egingo dute txirrindulariek Getariara. Handik itzultzean, ginkana eta beste hainbat jolas egingo dituzte Lege Zaharren Enparantzan. Bukatzeko, 13:00etan, argazki ofizialak aterako dituzte taldekideek eta famili arteko bazkariarekin amaituko dute eguna.