Zarata gaua antolatu du Zarata Zarautz kolektiboak biharko, Hiruputzu gaztetxean. Orango honetan, d-beat eta crust doinu ilunak lantzen dituzten Bordeleko bi talde ariko dira zuzenean: Grand Froid eta Bombardement. Kontzertua 21:30ean hasiko da, eta sarrerak bertan salduko dituzte.
Bombardement boskoteak 2016an kaleratu zuen bere lehen lana, eta, harrezkero, taldeak ibilbide jarraia izan du; besteak beste, iaz argitaratutako Dans La Fournaise diskoa aurkeztuko du ostiraleko emanaldian. Grand Froid taldeak, berriz, Sacred izeneko lana grabatu zuen 2020an, baina duela lau urte eman zuen argitara.