Errege Magoen postaria den Bizarzuri bihar arratsaldean iritsiko da herrira, etxeko txikienen gutunak jasotzera. Lehenik eta behin, ordea, Eguneko Zentrora joango da bertako egoiliarrak bisitatzera, 16:00etan, eta ordu erdi geroago, Adinekoen Egoitzan egon ondoren, kaleetan zehar ibiliko da karroza gainean herritarrak agurtuz.
Lege Zaharren Enparantzara 17:00 aldera iritsiko dela aurreikusten dute, eta han aterpe azpian, urtero bezala, herriko haur guztien gutunak jasoko ditu postontzi potoloan. Urtero, gutxi gorabehera 700 gutun jasotzen ditu Bizarzurik. Aurten, berritasun gisa, QR kode bat duen kartel bat jarri dute, haurrek etxean bertan ikus dezaten nola irakurtzen dituzten Errege Magoek Bizar Zuriren postontzian utzitako gutunak.
Bestalde, Schola Cantorum abesbatzak dohaintza txiki bat eskatu nahi die bertaratutzen diren herritarrei Bizarzuriren tradizioari eusteko eta Gabonetako ekitaldiekin jarraitu ahal izateko. Ekarpenak Bizum bidez egin daitezke, zenbatekoak 13318 zenbakira bidaliz.