Gabonak Zarautzen egitarauaren barruan, kale-ikuskizun proposamen berri batek girotuko du Alde Zaharra bihar arratsaldean. Oraingo honetan, Alea Teatre konpainia katalanak sorturiko Atlantis & Pegasus animazioarekin gozatzeko parada izango dute herritarrek.
Atlantidako mito grekoan oinarrituta dago, eta fantasiazko eta ametsezko itsas mundu batean murgiltzera gonbidatuko dituzte ikusleak. Era berean, urre koloreko Pegasus handi bat ere aterako dute kalera. Ekitaldia 18:30ean hasiko da Imanol Urbieta Udal Musika Eskolatik.