Barakaldoko (Bizkaia) azken hilketa matxistaren harira, elkarretaratzera deitu du Zarauzko Mugimendu Feministak bihar arratsalderako. 19:00etan jarri dute hitzordua Lege Zaharren Enparantzan.
Pasa den igande goizean emakume baten gorpua aurkitu zuten Barakaldoko etxebizitza batean, eta gauean 27 urteko gizonezko bat atxilotu zuen Ertzaintzak. Autopsiaren lehen emaitzen arabera, indarkeria jasan izanaren zantzuak zituen 54 urteko andrazkoaren gorpuak, eta Eusko Jaurlaritzak ordu gutxira baieztatu zuen indarkeria matxistako kasu bat izan zela.