Gabon jaiak eta urte amaiera gusturago igarotzeko aukera izango du aste honetan Zarauzko San Frantzisko kaleko kioskoan Bonolotora jokatu eta sei zenbakiak asmatu dituen lagunak. Izan ere, atzoko Bonolotoren zozketa egin zuten, eta hiru lagunek asmatu zituzten ateratako sei zenbakiak. Horietako bat Zarautzen izan dela eman du aditzera Espainia mailako Loteriak.
Txartela San Frantzisko kaleko kioskoan balioztatu zutela ere azaldu dute estatuko loteriek. Ordainetan, txartelaren jabeak 255.944 euro jasoko ditu.