Palestina, Gaza eta Zisjordaniaren alde aldarrikatzeko helburuarekin, Zarautz-Palestina Herri Ekimenak mobilizazioa antolatu du. Aipatutako ekintza larunbatean izango da 19:00etan, eta Lege Zaharren Enparantzatik hasita, herriko kaleak zeharkatuko dituzte Israelgo Estatua egiten ari den genozidioa salatzeko.
Antolatzaileek adierazi dutenez: "Instituzioek eta komunikabideek hilketak isilarazten dituzten bitartean, gu mobilizatu egin behar gara". Hori dela eta, taldeak herritarrak gonbidatu nahi ditu ekimen honetan parte hartzera eta bakoitza kandela edo faroltxo batekin etortzera.