Zarauzko Udala, Gipuzkoako Foru Aldundiarekin elkarlanean, herriko sarrera-irteeretan bide segurtasuna areagotzeko hainbat eskuhartze egiten ari da azkenaldian. Orain, arreta gunea jarri du N-634 errepideko ekialdeko sarreran, Orio bidean, abiatuko dituzten lanetan. Zehazki, aste honetan, eguraldiak ahalbidetzen duen neurrian, pintaketa eta seinaletika lanak egingo dituzte, hala nola bi erraien banalerroa indartuko dute hobeto ikusi dadin, dragoi hortzak deituriko elementuak margotuko dituzte, eta seinaleak aldatuko dituzte, gidariek abiadura mugatu dezaten.
Uda aurretik N-634 errepideko mendebaldeko sarreran, Getaria bidean, egin zituzten lan berberak, eta aurreikuspenen arabera, hirugarren gune batean ere egingo dituzte hobetze lanak: GI-2633 errepidean, Meagako igoeran. "Jarduketa hau aurreko biak baina konplexuagoa da eta aldundia bertan egin daitezkeen eskuhartzeak aztertzen ari da", azaldu du udalak.