Sabin Oregi zarauztarrak Txomin Peillenen (1932-2022) olerkiak bildu eta Nire olerki guziak liburuan argitaratu du, Maiatz argitaletxearen eskutik. Joxemiel Bidador elkartearen bilkura batean sortu zen asmoa, eta Peillenek bere burua olerkaritzat hartzen ez bazuen ere, idatzi zituen poema haiein arrastoari segika hasi zen Oregi aipatu bilduma osatuz; besteak beste, Gernika, Igela, Egan eta Olerti aldizkarietan, Maiatz argitaletxearen bidez, eta Hatsaren Poesia bilduman kaleratu ziren bere poemak.
Honakoa bilduma bat dela aditzera eman zuen liburuaren egileak, eta ez azketa bat. Maiatz argitaletxeko arduradun Lucien Etxezarretaren esanetan, "altxor" bat da Peillenen bilakaera poetikoa aztertzeko eta denboraren eroanean alderatzeko.