Euskararen Eguna ospatze aldera, Zirika euskara elkarteak Piztu euskararen argia izeneko egitasmoa antolatu du gaur arratsalderako. Izatez, argazki herrikoia atera nahi dute mosaiko moduan, jendeak sakelako telefonoko argiak piztuta. Hasiera batean, Munoa plazan egiteko asmoa zuten 19:30ean, baina eguraldi kaskarra iragarrita dagoenez, Frantziskotarren elizara lekualdatu dute.
Gainerakoan, kalejirari eutsiko diote. Musika Plazatik abiatuko dira, 19:00etan, Arranoko gitarra taldeak girotuta, eta kalez kale kantuan joango dira fraideetara. Argazkia atera ondoren, kalejirak jarraituko du eta poteo kantuan biribilduko dute eguna.