Larunbatean amaitu zen Gipuzkoako Banakako Xake Txapelketa, zazpi jardunalditan zehar jokatu dena. Zarauzko xake-jokalariak hiru mailetan aritu dira bertan, eta emaitza esanguratsuak lortu dituzte.
Preferente Mailan, Irunen jokaturiko partiduetan, Jon Lertxundik lan txukuna egin du, 12. postuan amaituz eta 3 puntu lortuz. Maila honetako irabazlea Asier Lakuntza beasaindarra izan da.
Bigarren Mailari dagokionez, Elgoibarren lehiatu da, eta zarauztarren artean Andoni Etxabe nabarmendu da, podiumetik gertu amaituz eta 4 puntu eskuratuz. Txapelketa Markel Kerexeta elgoibartarrak irabazi du.
Hirugarren Mailan, berriz, Iñaki Buruntza laugarren postuan geratu da.
Urtarrilean hasiko da taldekako txapelketa, eta badirudi jada martxan direla motorrak berotzen.