Arkamurka Natur Taldeak eta Pagoeta Mendi Elkarteak antolatuta, urteko azken irteera egingo dute igandean 7:30ean, Agues biribilgunetik, hain zuzen ere. Txangoa Lapurdiko kostaldera izango da, eta bertan, itsaslabarren ezaugarri geomorfologikoak, kostaldeko ekosistemak eta inguruetako erabilera historikoak aztertuko dituzte.
Denbora eta eguraldiaren arabera, hamaiketakoa egiteko tartetxoa hartuko dute. Ondoren, Hendaiako hondartzara jaitsiko dira eta Beltzeneako dunetan amaituko dute ibilaldia.
Dagoeneko Mendizabal Kinkila dendan izena eman daiteke, azaroaren 21era arte.