Zarautz Palestina Herri Ekimenak Palestinarekiko elkartasuna adierazten jarraitzen du, eta horretarako, bi egitasmo deitu ditu hurrengo egunetarako. Izan ere, "ez dezagun Palestina ahaztu, inoiz baino gehiago behar gaitu".
Bihar, 19:30ean, Arte Solidarioaren zozketa egingo dute Ispilu Arte galerian. Palestinaren aldeko elkartasun kutxara dirua bidaltzeko antolatu du dute zozketa, eta inguruko artista ezagunek dohaintzan emandako hogei koadro baino gehiago eta eskultura bat jasoko dituzte saridunek. Ondoren, palestinarrei eskainitako abestiak kantatuko dituzte.
Larunbat eguerdian, berriz, Israelen sarraskia salatzeko eta palestinar herriari elkartasuna aldierazteko mobilizazio zaratatsua egingo dute. Hitzordua 12:00etan jarri dute, Lege Zaharren Enparantzan.