Jokin Izarren Gertutik erakusketa bihar zabalduko dute urtarrilaren 4ra arte, Torre Luzeko erakusketa aretoan. Asteartetik igandera bitartean ikusgai izango da, 18:00etatik 20:00etara, hain zuzen ere.
Izarrek dioenez, gure inguruan "gauza asko" oharkabean pasatzen zaizkigun mundu batean bizi gara. Hori dela eta, erakusketa honetan erakusten diren argazkietan, zooma edo hurbiltze-argazkia bezalako teknikak erabiltzen ditu. Intsektu, landare eta lore mota ugari azaltzen dira, baina ikuspuntu desberdin batetik, hau da, gertutik.