Aukeran Dantza Konpainiaren eskutik Amama ikuskizuna eskainiko dute Modelo Aretoan, bihar, 16:45ean. Sarrerak egunean bertan Modeloko leihatilan jarriko dituzte salgai, baina dagoeneko Kutxabanken sarreren webgunean eskuratu daitezke, 6,50 euroan.
Amonak zazpi ipuin kontatzen dizkio bilobari, istorio bat Euskal Herriko lurralde bakoitzeko. Euskal dantzan oinarrituta, haurren munduan murgilduko dira pertsonaia harrigarriekin.
Zuzendaria Edu Muruamendiaraz da, eta ipuinak, aldiz, Juan Kruzenak dira. Oholtza gainean Loli Astoreka aktorea da protagonista eta dantzariak, berriz, honako hauek dira: Kimetz Canabillas, Laida Etxeberria, Laida Egaña, Unai Iraola, Maier Muruamendiaraz, Nahikari Sanchez, Uxue Sanchez eta Danel Serrano.