Zarauzko Udala Inauterietako konpartsa prestatzen ari da, eta izena emateko aukera bihar amaituko dela jakinarazi du. Oraindik ez dute aurtengo gaia zein izango den zehaztu, baina antolatzaileek parte hartzaile kopurua ez dutela mugatuko baieztatu dute.
Datorren dantza ikuskizunean izena eman nahi dutenek lotura honetan sartu beharko dute. Horrez aparte, ekitaldiaren inguruko informazio gehiago eskuratu nahi dutenek 943-00 51 19 zenbakira deitu edota jaiak@zarautz.eus helbidera idatzi dezakete.
Udalak gogorarazi du parte hartzeko gutxieneko adina 8 urtekoa izango dela, eta 8 eta 10 urte bitarteko haurrek heldu batekin joan beharko dutela.