Photomuseumek sustatutako eta Zarauzko Udalak babestutako Gela kultur hedapenerako programaren barruan, Zinemaren historia zikloko hamalaugarren atala emango dute gaur Photomuseumen. 18:00etan hasiko da, eta interesa dutenek doan sartu ahal izango dute.
90eko hamarkada, panorama zinematografikoa eraldatu zuen hamarkada, aztertuko dute bertan. Hainbat fenomeno errepasatuko dituzte; hala nola zinema independentearen eztanda, nazioarteko ahots berrien sendotzea eta formatu eta narrazio ez-linealekin esperimentatzea. 90eko hamarkadan teknologiak, jaialdiek eta nazioarteak film periferikoek audientzia masiboak lortzea eta zinematografikoaren ideia bera berritzea ahalbidetu zuten.