Nahia Elkarteak urriko IV. artisautza azoka antolatuko du igandean 10:30etik 15:00etara, Lege Zaharren Enparantzan. Guztira 25 proiektu desberdinen postuak jarriko dira, eta hauek beraien produktu berriak aurkeztuko dituzte herritarren artean ezagutzera emateko.
Kartelari dagokionez, Iban Illarramendi artista zarauztarrak egin du, Lege Zaharren Enparantzan kokatuko den artisautza azoka margotuz. Elkarteko kideek adierazi dutenez, eskerrak eman nahi dizkiote bere artearen bidez udazkeneko azoka "kolorez eta artez" janzteagatik.
Azkenik, azokan egiten den erosketen artean sari bat zozkatuko da: Kirkilla jatetxean bi pertsonentzako otordua.