Oso Duro Grandslam Jiu Jitsu txapelketa jokatu dute asteburuan, Zamudion (Bizkaia). Lotus Club Jiu Jitsu taldeak parte hartu du bertan, eta emaitza bikainak lortu dituzte: taldeko kirolari guztiak igo dira podiumera, hain zuzen.
Hori dela eta, Jiu Jitsua lantzen duten euskal taldeen artean erreferenteetako bat bihurtu da aipatu kluba, eta agerian geratu da eskolak duen maila teknikoa eta lehiakorra. Klubeko arduradun Lukasmar Bandeirak honako hau adierazi zuen txapelketa amaitu berritan: "Harro gaude gure kirolariek egindako lanaz. Guztiek domina lortzea euren etengabeko lanaren eta gure eguneroko entrenamenduetan sustatzen dugun talde-giroaren emaitza da".