Lege Berria kolektiboak antolatuta, Reichmelt eta Fotocopia taldeak igoko dira Hiruputzu gaztetxeko oholtzara larunbatean.
Kontzertuak 21:30etik aurrera izango dira: lehenik, Reichmelt Bilboko taldeak musika klasikoan eta garaikidean errotutako doinu elektroniko esperimentalak aurkeztuko ditu; ondoren, Galiziako Fotocopia taldearen txanda izango da, eta talde horrek punk eta DIY erara sortutako musika elektronikoa eskainiko du.
Sarrerak gaztetxeko atean bertan erosi ahal izango dira jaialdia hasi aurretik, sei euroren truke.