Kuadrilla Eguna iristear da –hilaren 18an izango da–, eta herritar talde bat goitibeherak indartzeko helburuarekin batu da aurten. Hori dela eta, tailer irekiak egingo dituzte urrian, Gaztelekuan, nahi duen orok goitibeherak muntatzen ikas dezan.
Zehazki, urriaren 3an, 4an, 7an, 10ean, 11n, 16an, 17an eta 18an izango dira saioak, 17:00etatik 20:00etara. Antolatzaileek jakitera eman dutenez, parte hartzaileek materiala eta erremintak eskuragai izango dituzte.
Azpimarratu dute helburua dela goitibeherek azken urteetan baino "garrantzi handiagoa" hartzea. Horretarako, berrikuntza ugari txertatu dituzte, hala nola txistorra jana, jada muntatuta dauden goitibeheretan jaisteko aukera eta musika.
Goitibeherak muntatzen ikasteko tailerretan parte hartzeko aurretik izena eman behar da, 644 05 67 70 telefonora deituta. Epeari dagokionez, urriaren 10a izango da izena emateko azken eguna. Informazio gehiago honako lotura honetan eskura daiteke.