Gaztainpe eta Gipuzkoa kaleen arteko bidegurutzean asfaltatze lanak hasiko dituzte bihar. Udalak jakitera eman duenez, duela bi urte Gaztainpe plazan egindako obren jarraipena izango da oraingoa, eta bi asteren bueltan amaituta egotea aurreikusi du. Hala eta guztiz ere, aurreratu du epe hori eguraldiaren arabera luzatu daitekeela.
Asfaltatzea lanak Zarauzko Udal Brigadak eta Debasfalt enpresak elkarlanean egingo dituzte, eta 33.999,17 euroko (BEZ barne) aurrekontua izango dute. Obrek irauten duten bitartean, une batzuetan, ibilgailuek ezingo dute obra eremura sartu; kasu horietan, ordezko bideak ahalbidetuko dira.