Ikasturte hasierarekin batera, martxan da ZarautzOn elkartea ere. Zehazki, udazkeneko lehen ekimena egingo dute asteartean, 19:30ean, Modelon.
Bertan, 3D bidezko inprimatzearen inguruan hitz egingo dute, baina ez edozein modutara. Elkarteko kideek azaldu dutenez, diziplina hori aspalditik aplikatzen da medikuntzan, automobilgintzan edota industriako beste hainbat ekoizpen lerrotan. Astearteko hitzaldian, baina, agroelikaduran egiten den aplikazioari buruz mintzatuko dira.
Hizlaria, bere aldetik, Patxi Larunbe nafarra izango da, COCUSS enpresako zuzendaria. Aipatutako enpresak teknologia berritzailea erabiltzen du elikagaiak sortzeko. Hain zuzen, elikagai biosintetikoak ekoizteko gai dira, modu tradizionalean lortzen diren mantenugai eta proteina berberekin.