Ikasturte berria hastearekin batera bueltan da pintxo potea herrian. Zarauzko zenbait tabernek parte hartuko dute ekimenean, eta horri esker, asteazkenero, pintxoa eta edaria 2,80 euroan eskuratu ahal izango da establezimendu horietan; beste batzuetan, berriz, pintxo bat eskatu ahal izango da prezio berezian, eta nahi den edaria aukeratu horrekin batera.
Ondorengo hemeretzi tabernetan egongo da pintxo potea asteazkenetan: Arrano, Gau Txori, Euskalduna, Itxas-Lurr, Salegi, Karlos Arguiñano, Txiki Polit, Tivoli, Marina Txiki, Napar Berri, LaBaka, Naparrak, Zazpi, Napar Zaharrak, Arkupe Berri, Mandabide, Patxiku Berri, Basarri eta Euromar kafeteria.