Zarauzko Xoxoa tabernan saldutako Bonolotoko txartel batek ia bi milioi euroko saria utzi du herrian. Atzo izan zen zozketa, eta, zehazki, aipatu txartelaren jabeak 1.972.129 euroko saria eskuratu du.
Negozioaren jabeek bi urte daramatzate Bonolotorako txartelak saltzen, eta aditzera eman dutenez, horrelako sari potolo bat banatzen duten lehenengo aldia da. Hain justu, zenbaki irabazlea 02 11 24 37 39 45 izan da.